പൂന്തുറ:വീടിനുള്ളില് അതിക്രമിച്ച് കയറി ഉറങ്ങിക്കിടന്ന കുട്ടിയുടെ ആഭരണം കവരുകയും അമ്മയുടെ വസ്ത്രം കീറുകയും ചെയ്ത കേസില് ഒരാള് പിടിയില്. മാണിക്യവിളാകം സമ്മില് മോനെ(23)ആണ് പൂന്തുറ പൊലീസ് അറസ്റ്റ്ചെയ്തത്. യുവതി നല്കിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം നടത്തിയത്.
കഴിഞ്ഞ 15ന് അര്ധരാത്രിയിലായിരുന്നു കേസിനാസ്പദമായ സംഭവം. വീടിനുള്ളില് അതിക്രമിച്ച് കയറിയ പ്രതി ഉറങ്ങിക്കിടന്ന കുട്ടിയുടെ ഒരു പവന് വരുന്ന മാല കവരുകയും അമ്മയുടെ വസ്ത്രം കത്രികകൊണ്ട് മുറിച്ചുമാറ്റുകയും ചെയ്ത ശേഷം രക്ഷപ്പെടുകയായിരുന്നു. ബീമാപളളി, മാണിക്യവിളാകം അടക്കമുളള മേഖലകളില് സ്ഥാപിച്ചിട്ടുളള സിസിടിവികളില് നിന്ന് ലഭിച്ച ദൃശ്യങ്ങള് പരിശോധിച്ചാണ് പ്രതിയെ അറസ്റ്റുചെയ്തത്.പ്രതി സ്ഥിരമായി ലഹരി വസ്തുക്കള് ഉപയോഗിക്കുന്ന ആളാണെന്ന് പോലീസ് പറഞ്ഞു.
Content Highlights: Suspect arrested for breaking into house, stealing jewelry from sleeping child and tearing mother's clothes